Каземиро: "Жиноятчилар қаттиқ жазоланиши керак"

"Реал"нинг собиқ ярим ҳимоячиси, ҳозирда "Манчестер Юнайтед"да ўйнаётган Каземиро ўз ҳамюрти Винисиус Жуниорни ҳақорат қиладиган мухлислар ҳақида гапирди.

"Буларнинг барчаси жуда жиддий. Бу ҳақда кўп гапирилган, лекин одамлар буни қилишда давом этмоқдалар. Жиноятчилар қаттиқ жазоланиши керак. Мен Ла Лига раҳбариятидан чора кўришни сўрайман, чунки бу Жуниор ва умуман футболга салбий таъсир кўрсатмоқда", - деди"қизил иблислар" ярим ҳимоячиси.

Жорий мавсум давомида Винисиус Испания чемпионати клублари мухлислари томонидан бир неча бор ирқчиликка асосланган ҳақоратларга учради.

Ла Лиганинг жорий мавсумида бразилиялик ҳужумчи 25 та ўйин ўтказиб, 8 та гол ва 4 та самарали узатмага муаллифлик қилган.

Фикрлар

Фикр қолдириш учун авторизациядан ўтинг!
&
+79151450305
25/03/2023 19:48
Иркчилар доим булган ва булади хам. Винни барибир зур