Кеча "Сити"га гол урган "Лион" футболчисига харидор чиқа бошлади

Мюнхенгладбахнинг "Боруссия" клуби "Лион" ҳужумчиси Максвелл Корненинг хизматларига қизиқиб қолди.

Le 10 Sport нашри тарқатган хабарга кўра, немис гранди 23 ёшли ивуарлик футболчини шу ёз сотиб олишга уриниб кўрмоқчи. Корне кеча Чемпионлар лигаси чорак финал баҳсида "Манчестер Сити" (3:1) дарвозасини ишғол қилган эди.

Максвелл Корне жорий мавсум “Лион” сафида 37 та ўйинда майдонга тушди ва 6 та гол ҳамда 5 та голли узатмага муаллифлик қилди. Унинг клуб билан амалдаги шартномаси 2023 йилга қадар имзоланган.