Италия футболи раҳбарияти кеча йиғилиш ўтказди. Унга кўра, агар коронавирус сабаб мавсум якунланмай қолган тақдирда ҳам  А ва B Сериялар ўзаро жамоа алмашишади.

Шу тариқа, аввал тахмин қилинган, яъни А Серияни ҳеч бир клуб тарк этмайди ва B Сериянинг 2 та жамоаси юқори дивизионга кўтарилади, деган вариант амалга ошмайдиган бўлди. Бу ҳақда Sky Sport Italia хабар бермоқда.

Гарчи, спорт принципларига кўра, шу йўл нисбатан адолатлироқ бўлса-да, у бир қатор муаммоларни туғдириши мумкин. Масалан, А Серияни ҳеч бир клуб тарк этмаса ва B Сериядан 2 та жамоа қўшилса, у ҳолда жамоалар сони 22 тага етади. Бу эса чемпионат ўйинларининг ҳозирги тақвимига яна 4 та тур қўшилади, деганидир.