Кэррик: "Мақсадимиз — жадвалнинг юқори қисмига яқинлашиш"

"Манчестер Юнайтед" бош мураббийи Майкл Кэррик мавсумнинг қолган қисмидаги жамоанинг мақсадлари ҳақида фикр билдирди.

— Клуб раҳбарияти томонидан аниқ қўйилган талаблар борми? 

— Йўқ. Биз жадвалнинг юқори қисмига яқинлашишни, ҳатто унинг энг юқори поғонасида бўлишни истаймиз. Бу жуда очиқ-ойдин мақсад, аммо унга етиш учун босқичма-босқич олдинга силжишимиз керак. Еврокубокларда иштирок этиш ҳам олдинга қадам бўлади. Биз ҳаракатни давом эттиришимиз шарт, — деди Кэррик.

Эслатиб ўтамиз, эртага "Манчестер Юнайтед" ўз майдонида Хосеп Гвардиола бошқарувидаги "Манчестер Сити"ни ўз уйида қабул қилади. Бўлажак беллашув Тошкент вақти билан 17:30’да старт олади.