Кевин Де Брюйне кейинги манзили аниқ. У рад этиб бўлмайдиган таклиф олди

“Манчестер Сити”га узоқ йиллар етакчилик қилган Кевин де Брюйненинг клуб билан амалдаги шартномаси 30 июнь куни якунланади.

Ҳозирча, унинг клубдаги келажаки мавҳум бўлиб турибди. Хосеп Гвардиола аввалига Кевинни келажакдаги режаларига киритмади. Клуб хўжайинлари эса, агар ўйинчи ҳозирги маошининг учдан биридан камроғини олиб ўйнашга розилик берса, унга янги битим берилиши мумкинлигини билдирди.

Сўнгги маълумотларга қарганада, 33 ёшли юлдуз Саудия Арабистонидан рад этиб бўлмайдиган таклиф олган. Криштиану Роналдуга таркибни кучайтириб боришга ваъда берган “Ан-Наср” бельгиялик футболчини ўз сафига чорламоқда.

Шайхлар Кевин де Брюйненинг бир йиллик хизматини 70 миллион еврога баҳоламоқда. Агар бу трансфер амалга ошса, тажрибали ярим ҳимоячи дунёда энг катта маош оладиган ўйинчиларр рўйхатига қўшилади.

Кевин де Брюйне Европада қолишга қарор қилса, ПСЖ варианти ҳам бор. Францияликлар унга ҳар мавсум учун 35 миллион евродан маош таклиф қиляпти. Бу борада “Пари Сен-Жермен” клубларнинг энг нуфузли мусобақаси – Чемпионлар лигасида ғолиблик учун курашиш имконига эга экани парижликларда Кевин айнан шу жамоани танлашига умид уйғотяпти.