Кьеза "Ливерпуль"ни тарк этиши мумкин
Италиялик вингер Федерико Кьеза қишки трансфер ойнасида “Ливерпуль”ни тарк этиши мумкин. Calciomercato хабарига кўра, мерсисайдликлар раҳбарияти футболчини ижарага бериш вариантини кўриб чиқмоқда.
Манбага кўра, Кьеза яна Италия А Сериясига қайтиши мумкин. 27 ёшли футболчи хизматларига "Интер", "Рома" ва "Милан" клублари қизиқиш билдирмоқда. Федерико Италияга қайтиш орқали мунтазам ўйин амалиётига эга бўлиши мумкин. У ҳозирда "Ливерпуль"да ўйин амалиётисиз қолиб кетмоқда.
Кьеза жорий мавсум "Ливерпуль" сафида атиги учта ўйинда қатнашиб, битта голли узатмани амалга оширди. Федериконинг мерсисайдликлар билан амалдаги шартномаси 2028 йилнинг ёзига қадар тузилган.
Фикрлар