Кингсли Коман фаолиятидаги энг яхши мураббий кимлигини айтди

“Бавария” клуби ярим ҳимоячиси Кингсли Коман фаолиятидаги энг яхши мураббий кимлигини айтди.

“Фаолиятимдаги энг яхши мураббий, деб Гвардиолани айтган бўлардим. Чунки, унинг қўл остида кўпроқ ўйин амалиётига эга бўла бошладим. Мен каби ҳужумни яхши кўрадиган вингерлар учун у энг яхши мураббий. Боиси, у мана шундай футболчилардан бошқаларга қараганда кўпроқ нарса талаб қилади.

У мендан статистика учун ўйнашни сўрамас эди. Гвардиола тўпни олиш билан марказга югуриш ҳақида кўрсатма берарди. Мен уни жудаям қадрлайман”, - дейди Коман.