Kislyak «PSJ» tomonidan qiziqish haqida gapirdi

Moskvadagi CSKA jamoasida to‘p surayotgan yosh yarimhimoyachi Matvey Kislyak fransuzning mashhur klubi «PSJ»ga bog‘liq tarzda tarqalayotgan xabarlarga o‘z munosabatini bildirdi.

Futbolchining «Chempionat» nashriga aytishicha, Parij klubi bilan ma’lum darajada aloqa bo‘lgan bo‘lishi mumkin, ammo buni to‘liq qiziqish yoki rasmiy taklif deb bo‘lmaydi. Uning ta’kidlashicha, «PSJ» haqidagi gap-so‘zlar ommaviy axborot vositalari tomonidan ortiqcha shishirib yuborilgan.

«Shaxsan menga hech narsa yetkazishmagan. Agent bilan faqat aniq, rasmiy qiziqish bo

lsa, shu haqida gaplashishga kelishib olganmiz. Qolgan mish-mishlarga umuman aralashmayman», — deya qo‘shimcha qildi Kislyak.

Eslatib o‘tamiz, joriy mavsumda 21 yoshli Matvey Kislyak Rossiya chempionati doirasida CSKA tarkibida to‘qqizta o‘yin o‘tkazdi va ikki golli uzatma muallifiga aylandi. «PSJ» safida esa hozirda yana bir rossiyalik futbolchi — darvozabon Matvey Safonov to‘p surmoqda.