Кисляк «ПСЖ» томонидан қизиқиш ҳақида гапирди
Матвей Кисляк «ПСЖ»дан расмий таклиф йўқлигини, клуб ҳақидаги миш-мишлар ОАВ томонидан шиширилганини айтди.
Москвадаги ЦСКА жамоасида тўп сураётган ёш яримҳимоячи Матвей Кисляк французнинг машҳур клуби «ПСЖ»га боғлиқ тарзда тарқалаётган хабарларга ўз муносабатини билдирди.
Футболчининг «Чемпионат» нашрига айтишича, Париж клуби билан маълум даражада алоқа бўлган бўлиши мумкин, аммо буни тўлиқ қизиқиш ёки расмий таклиф деб бўлмайди. Унинг таъкидлашича, «ПСЖ» ҳақидаги гап-сўзлар оммавий ахборот воситалари томонидан ортиқча шишириб юборилган.
«Шахсан менга ҳеч нарса етказишмаган. Агент билан фақат аниқ, расмий қизиқиш бўлса, шу ҳақда гаплашишга келишиб олганмиз. Қолган миш-мишларга умуман аралашмайман», — дея қўшимча қилди Кисляк.
Эслатиб ўтамиз, жорий мавсумда 21 ёшли Матвей Кисляк Россия чемпионати доирасида ЦСКА таркибида тўққизта ўйин ўтказди ва икки голли узатма муаллифига айланди. «ПСЖ» сафида эса ҳозирда яна бир россиялик футболчи — дарвозабон Матвей Сафонов тўп сурмоқда.
Изоҳлар (0)