КК-2017. Финал баҳсини стадиондан томоша қилган мухлисларнинг 8,2 фоизи Германия ва Чилидан келди

Хабарингиз бор, кеча Россиянинг Санкт-Петербург шаҳрида Конфедерациялар кубоги мусобақасининг финал баҳси бўлиб ўтди. Германия терма жамоаси Чили устидан 0:1 ҳисобида ғалаба қозониб, мусобақа кубогини қўлга киритди.

oneFactor компаниясининг маълум қилишича, финал учрашувини томоша қилиш учун “Санкт-Петербург Арена"га 57 268 нафар ишқибоз ташриф буюрган. Шуларнинг 90 фоизи маҳаллий мухлислар ҳисобига тўғри келган бўлса, 8,2 фоиз мухлис бевосита финалда иштирок этган Германия ҳамда Чили давлатидан ташриф буюришган.

Ушбу кўрсатгич турнирнинг 3-ўрни учун кечган баҳсда бироз пастроқ. Аниқроғи, Португалия – Мексика ўртасидаги ўйинни кўриш учун стадионга ташриф буюрган 95 фоиз мухлиснинг бор йўғи 4,8 фоизи иштирокчи давлатлардан келишган.