Клопп: Биз "Челси" даражасида эмасмиз

Британиянинг машҳур "BBC FIVE LIVE" радиодастурида "Ливерпуль" устози Юрген Клопп меҳмон бўлди ва клуб айни дамда қандай трансфер сиёсатини юритаётгани ҳақида тўхталди:

"Бундай вазиятда клублар ҳар хил ҳолатда фаолият олиб бормоқда. Пандемия кимгадир камроқ, кимгадир эса кўпроқ зарар етказяпти. Олигархлар томонидан бошқариладиган клубларда инқироз у қадар сезилмайди. Аммо биз бошқа типдаги жамоамиз.

Биз кетма-кет икки марта Чмпионлар Лигаси финалида ўйнаб, биттасини ютдик. Ўтган мавсум АПЛ чемпионлигини қўлга киритдик. Аммо "Челси" каби катта трансферларни амалга ошира олмаймиз. Улар иқтисодий жиҳатдан бошқа даражадаги клуб.

Жамоа таркибини кучайтириш ҳақида доимий бош қотирмоқдамиз. Албатта, янги трансферлар керак, аммо қўл остимиздаги ресурслардан ҳам унумли фойдаланишимиз зарур", - деди Клопп.

Мерсисайдликлар жорий трансфер ойнасида "Олимпиакос" ҳимоячиси Костас Цимикасни ўз сафига қўшиб олди.