Клопп "Ливерпуль"нинг "Манчестер Сити"га қарши чемпионлик пойгаси бўйича ўз режасини маълум қилди

"Ливерпуль" бош мураббийи Юрген Клопп чемпионлик учун "Манчестер Сити"га қарши рақобат ҳақида фикр билдирди.

"Бизнинг режамиз - "Манчестер Сити"ни иложи борича безовта қилиш. Ўз ўйинларимизда ғалаба қозонишимиз керак. Бизнинг амбициямиз жуда юқори. Биз "Сити" қанчалик кучли эканини ҳурмат қиламиз. Биз барча рақибларни ҳурмат қиламиз. Премьер-лигада ҳар бир ўйин қийин. Биз имкон борича ғалаба қозонишга ҳаракат қиламиз”, - деди германиялик мутахассис.

“Ливерпуль” ҳозирда АПЛ турнир жадвалида иккинчи ўринда бормоқда. Мерсисайдликлар “Манчестер Сити”дан 4 очко ортда қолмоқда, аммо улар битта ўйин кам ўтказишган. Эртага, 16 март куни “Ливерпуль” сафарда “Арсенал” билан ўйнайди.