Клопп "Ливерпуль"нинг янги мураббийи ҳақида ўз фикрини билдирди

"Ливерпуль"нинг собиқ бош мураббийи Юрген Клопп ҳозирда клубни бошқараётган нидерландиялик мутахассис Арне Слотнинг фаолияти ҳақида ўз фикрлари билан ўртоқлашди.

- Мен "Ливерпуль"нинг "Севилья" билан ўртоқлик ўйинини (4:1) кузатдим. Жамоа яхши ўйнади. Премьер-лига доирасидаги "Ипсвич"га қарши ўйин (0:2) ҳам юқори савияда ўтди. Асосийси Слот ҳақиқатан ҳам юқори савияли ва жамоани бирлаштира олиш қобилиятига эга мураббий. У жамоага янги ғояларни олиб келган кўринади. Бу эса мураббий ҳақида айтиш мумкин бўлган энг яхши нарса, - дея Клоппнинг сўзларини келтиради "ESPN" нашри. 

Маълумот учун, Клопп 2015 йилдан 2024 йилнинг ёзига қадар мерсисайдликлар бош мураббийи сифатида ишлаган.