Клопп: "Мавсум МЮни 7:0 ҳисобида ютганимиз билан эсда қолади!"

"Ливерпуль" бош мураббийи Юрген Клопп бу мавсум ҳақида қисқача ўз фикрларини билдириб ўтди. 

"Фаолиятимни якунлаганимда бу мавсумни МЮни 7:0 ҳисобида ютганимиз билан эслаб қоламан. Албатта, бошқа ажабланарли ўйин ўтказмасак, ҳозирча шуниси ёдда қоладиган бўлиб турибди. 

Чемпионлар лигасига чиқсак, яхши бўларди. Аммо буни эплай олмасак, қабул қилишга тўғри келади. Европа лигасига чиқишни биз ҳам мақсад қилмагандик. Бу мавсум сабоқ бўлиши керак. 

Бор эътиборимизни "Тоттенхэм" билан ўйинга қаратганмиз. Ғалаба қозонишга, ишончли ҳаракат қилишга уринишимиз керак", - деди германиялик мутахассис.