Клопп: “Менимча, энди бош мураббийлик қилмайман"

Таниқли германиялик мутахассис Юрген Клопп энди бош мураббий сифатида ишламаслигини тан олди. Клопп Дортмунднинг "Боруссия" клуби бош мураббийи сифатида катта шуҳрат қозонган. У бунгача "Майнц"да, 2016-2024 йилларда эса "Ливерпуль"да ишлаган. Клопп Англия жамоасини АПЛ ғолибига айлантирди, у билан бирга УЕФА Чемпионлар Лигаси, ички кубоклар ва клублар ўртасидаги жаҳон чемпионатида ғолиб чиқди.

"Мен шунчаки дам олдим ("Ливерпуль"дан кетганимдан кейин). Спорт билан шуғулландим, ҳаётдан завқландим, набираларим билан кўришдим. Мен одатдаги ишлар билан шуғулланардим, эртами-кечми яна ишлашни бошлашимни тушунардим. Лекин шу билан бирга мураббий эмаслигимни ҳам билардим. Ҳеч қачон? Ҳа, менимча, ҳа. Лекин аниқ билолмайман.

Ёшим 58 да. Агар 65 ёшимда яна машғулот ўтказишни бошласам, ҳамма: "Бошқа мураббийлик қилмайман, дединг-ку!" дейишини истамайман. Э-э-э, кечирасиз, мен ўша пайтда шундай деб ўйлагандим", - дея Клоппнинг сўзларини келтирди The Athletic.