Клопп “Реал”дан нега узр сўради?

“Ливерпуль” бош мураббийи Юрген Клопп “Реал” уй учрашувларини ўтказаётган захира майдони – “Альфредо Ди Стефано” стадиони ҳақидаги танқидий гапларига изоҳ берди.

Маълумки, мадридликлар асосий аренаси “Сантьяго Бернабеу” таъмирланаётгани боис, Чемпионлар лигаси чорак финалининг биринчи учрашувида “Ливерпуль”ни “Альфредо Ди Стефано” стадиони қабул қилган эди.

- Мен ҳурматсизлик қилмоқчи эмасдим. Аслида “Реал” қаерда ўйнашни истаса, мен ҳам шунга розиман. Ҳозир улар асосий стадионини таъмирлаш бўйича иш олиб боряпти ва бу менга ҳеч қандай муаммо туғдирмайди. “Реал” захира майдонидан рақиблар олдида қандайдир устунликка эга бўлиш учун ўйнаётгани йўқ. Гапларим кимнингдир кўнглига теккан бўлса, узр сўрайман. Мен бундай бўлишини истамагандим, - деди Юрген Клопп.

“Альфредо Ди Стефано” стадионида ўтган илк учрашувда Зинедин Зидан шогирдлари Клопп футболчиларини 3:1 ҳисобида мағлубиятга учратди.

 

Фикрлар

Фикр қолдириш учун авторизациядан ўтинг!