Клопп Шакирининг агенти билан футболчининг келажаги ҳақида гаплашиб олди

"Ливерпуль" бош мураббийи Юрген Клопп ярим ҳимоячи Жердан Шакири билан хайрлашиш ниятида эмас. Бу ҳақида Ливерпуль шахри нашрлари хабар бермоқда.

Германиялик мутахассис футболчининг агентига январда шогирдини бошқа клубга қўйиб юбормаслигини айтиб, трансфер ишларига киришмасликни тавсия қилган.

Шакири жорий мавсумда барча турнирларда ливерпулликлар сафида ўнта ўйинда майдонга тушган. АПЛ баҳсларида эса олтита ўйинда битта гол киритишни уддалади.

Олдинроқ, "Ливерпуль" Шакирини ижарага олиш бўйича "Рома"нинг таклифини рад этган эди.