Клопп шогирдини Куманга бермайди

“Ливерпуль” раҳбарияти жамоа етакчиси Жоржиньо Вейналдум билан амалдаги шартномани узайтиришга қарор қилди.

Нидерландиялик мутахассис Рональд Куман “Барселона”ни қабул қилиб олгач, ўз ҳамюртини олиб келишни истаётганди. Унинг режасига кўра, бу футболчи “Барселона” ярим ҳимоясида етакчиликни ўз қўлига олиши керак эди.

Маълумотларга қараганда, Юрген Клопп истеъдодли  футболчига яна тўрт йиллик ёки 2025 йилнинг ёзигача давом этадиган шартнома таклиф қилади.