Клопп учун Муҳаммад Салоҳдан ҳам қадрли футболчи бўлган экан! (фото)

“Ливерпуль”ни тарк этган Юрген Клопп жамоани энг узоқ муддат бошқарган мураббийлардан ҳисобланади.

Статистика мутахассислар германиялик мураббий фаолияти давомида қайси футболчига кўпроқ суянганини ҳисоблаб чиқди.

Натижа кутилмаган бўлди. Клопп энг кўп Роберто Фирмино хизматидан фойдаланган экан. Ўтган ёз жамоани тарк этган бразилиялик ҳужумчи бу мутахассис қўл сотижа 355 та ўйинда қатнашган.

Иккинчи ўринда Муҳаммад Салоҳ қайд этилди. Мисрлик тўпурар бош мураббийга 349 та баҳсда ёрдам берган.

Учинчи ўринда Англия футболи фахрийси ва бу мавсум “Брайтон” шарафини ҳимоя қилган Жеймс Милнер қайд этилган бўлиб, Клопп уни 323 та ўйинда майдонга туширган.