Kloppga "Lester"ning universal futbolchisi kerak

"Liverpul" klubi "Lester" yarim himoyachisi Xarvi Barnsni o‘z safiga qo‘shib olmoqchi. Bu haqda Mirror nashri xabar tarqatmoqda.

Yuqoridagi manbaga ko‘ra, mersisaydliklar 22 yoshli futbolchini joriy yozgi transferlar davridayoq sotib olishmoqchi. Aytish kerakki, Barns chap va o‘ng qanot yarim himoyasida, shuningdek hujum markazida ham harakatlana oladi. Bu esa bosh murabbiy Yurgen Kloppga ma’qul kelmoqda.

Ma’lumot uchun, Barns “Lester” himoyachisi hisoblanadi. U joriy mavsum 41 ta o‘yinda maydonga tushdi 7 ta gol hamda 9 ta golli uzatmaga mualliflik qildi. Uning “tulkilar” bilan amaldagi shartnomasi esa 2024 yilga qadar imzolangan.