Клоппнинг яна жаҳлини чиқаришди

"Ливерпуль" бош мураббийи Юрген Клопп Англия лига кубоги доирасидаги "Манчестер Сити"га қарши ўйинда (2:3) VAR тизими йўқлигини танқид қилди.

"Холанд учрашув бошида офсайдга чиқиб кетди. Эътибор бермадингизми? У яққол қоидани бузди. Бу бутун ўйин ритмини ўзгартириб юборди. Ўйиндан ташқари ҳолат бўлди, лекин байроқ кўтарилмади.

Ҳакамлар VARга ўрганиб қолишган ва бугун унинг йўқлиги анча панд берди. Баъзи вазиятларда рефери VAR мавжуддек енгил тин олди ва қандайдир маслаҳатни кутаётгандек таассурот қолдирди. Стадионда ҳамма яққол кўрган бир нечта офсайд ҳолатлари бўлди. Аммо биз буни ўша пайтда исботлаб бера олмасдик, бу ачинарли.

Барча мусобақаларда VAR бор, Премьер-лигада у мавжуд, нега бугунги ўйинда ҳам ундан фойдаланмаслик керак эди?! Тушунишимча, турли даражадаги кубок баҳсларида ундан фойдаланиб бўлмайди, лекин бу каби марказий учрашувларда техник ускуналардан фойдаланиш керак эди, бу каби баҳсларни инсон омили бузиб қўймаслиги шарт", — деди Клопп.