Коке ҳам Саудия клублари радарига тушди

Саудия клублари кейинги трансфер ойналарида ҳам Европа топ-5 чемпионатларидан ёппасига юлдузларни жалб қилишни давом эттирмоқчи. "TodoFichajes" нашрининг хабар беришича, Мадриднинг "Атлетико" клуби сардори Коке Саудия Арабистони вакилларининг радарида.

Кокенинг "матрасчилар" билан амалдаги шартномаси мавсум охиригача амал қилади. У бутун фаолиятини Мадрид клубида ўтказди.

Нуфузли Трансфермаркт портали мутахассислари 31 ёшли испанияликни 16 миллион еврога баҳоламоқда.

"Атлетико" айни дамда Испания чемпионати турнир жадвалида тўртинчи ўринда бормоқда.