Кокорин "Спартак"га эмас, А Серия клубига ўтиши мумкин эди...
“Спартак” ҳужумчиси Александр Кокорин шу ёз “Фиорентина”га ўтиши мумкин эди.
Metaratings нашри тарқатган хабарга кўра, россиялик футболчини А Серияга кўчиб ўтишини Фабио Капелло хоҳлаган. Томонлар 2-3 йиллик шартнома ва йилига 2,5 миллион евро маош борасида музокаралар ўтказган. Бироқ, бу трансфер агент Элизабет Бартош туфайли барбод бўлган. Натижада, Кокорин “Спартак” билан шартнома имзолаган.
Кокорин ҳозирча жароҳатидан даволанмоқда ва шу сабабли “Спартак” сафида ҳали дебют қилганича йўқ.
Фикрлар