Коларов А Сериянинг сўнгги 13 йилдаги энг сермаҳсул ҳимоячисига айланди

Кеча Италия А Сериясининг 17-турида “Фиорентина” ўз майдонида “Рома”ни қабул қилди ва 1:4 ҳисобида имкониятни бой берди.

Шу куни “бўрилар” ҳимоячиси Александр Коларов “бинафшаранглилар” дарвозасини 18 метрлардан аниқ нишонга олди ва ўз ҳисобига гол ёздириб қўйишга эришди. Бу эса сербиялик футболчи учун жорий мавсумдаги 9-гол бўлди.

Эътиборлиси, Коларов сўнгги 13 йил ичида А Серияда энг кўп гол урган ҳимоячига айланди. Таъкидлаш керакки, сўнгги бор бу қадар сермаҳсулликни Массимо Оддо қайд этган эди. У бутун мавсум давомида 10 марта рақиблари дарвозасини ишғол эта олган.