Компани: "Олтин тўп" “Бавария” футболчисига насиб этишини умид қиламан"
«Бавария» мураббийи Венсан Компани «Олтин тўп» мукофоти «Бавария» футболчисига насиб қилишини умид қилмоқда.
«Бавария» бош мураббийи Венсан Компани жамоа футболчилари Xарри Кейн ва Майкл Олисснинг «Олтин тўп» учун имкониятлари ҳақида фикр билдирди.
«Ғолиб аллақачон аниқланган, шунинг учун менинг гапларим ҳеч нарсани ўзгартирмайди. Кечирасиз, аммо мен ҳар куни “Олтин тўп” ҳақида ўйламайман. Ҳозир мени фақат “Аугсбург” билан бўладиган ўйин қизиқтирмоқда. Бироқ соврин “Бавария” футболчисига насиб этишини умид қиламан», — деди Компани. Унинг сўзларини Bayern & Germany нашри келтирди.
Эслатиб ўтамиз, «Олтин тўп» учун овоз бериш жараёни якунланган. Соврин соҳиби 26 октябрь куни Лондонда бўлиб ўтадиган тақдирлаш маросимида эълон қилинади.
Германия чемпионатининг 5-туридан ўрин олган «Аугсбург» — «Бавария» учрашуви 10 октябрь, шанба куни бўлиб ўтади. Баҳс Тошкент вақти билан соат 19:30 да бошланади.
Изоҳлар (0)