Конор Макгрегор: "Макс Холлоуэйга қарши жангда тиззам ёки елкам чиқиб кетиши мумкин"

Беш йиллик танаффусдан сўнг октагонга қайтаётган Конор Макгрегор машғулотларга жиддий ёндашмоқда ва Макс Холлоуэй билан баҳсдаги ҳар қандай сценарийга тайёр.

"ММАда анча кўп тажриба тўпладим. Энди жангдаги энг ёмон ҳолатдан энг яхшисигача тайёрланяпман. 

Менда ҳозирча икки хил сценарий бор. Биринчиси, рақибни кучли зарба билан нокаутга учратиш ва оломон ҳайқириғини тинглаш! Иккинчиси – энг ёмон сценарий: биринчи раундда тиззам ёки елкам чиқиб кетади. Айнан шу пайтда қандай ҳаракат қиламан?! Туришимни ўзгартираманми ёки бошқа тактика қўллайманми?! Хавотир олманг, менда энг ёмон сценарийлар учун ҳам ечимлар бор", - деди ирландиялик.

Эслатиб ўтамиз, Конор ва Холлоуэй тўқнашуви 12 июль куни "UFC 329" турнирида ўтказилади.