Конор МакГрегор Хабиб билан реванш жангини хоҳласа, аввал ким билан жанг қилиши зарур?

UFC нинг енгил вазн тоифасидаги жангчиси Кевин Ли Конор МакГрегор билан жанг қилмоқчи, аммо бу баҳс ташкил қилинишига ишонмайди.

"UFC ҳали ҳам 18 январь куни Конорга рақиб топишга ҳаракат қилмоқда. Мен Дональд Cерроне номзодини муҳокама қилишаётганини биламан, аммо шартнома ҳали имзоланмаган.

 Конор менга ўхшаган, унга рақобат туғдира оладиган кучли жангчини мағлуб этишни хоҳлайди.

Aгар, у Хабиб билан реванш жангини истаса, мен билан жангни  амалга ошириши керак. Мазкур тўқнашув у учун мантиқан тўғри бўлар эди.

Aммо ростини айтсам, бундай бўлмайди. Улар мени Конорга яқинлашишимга ижозат бермайдилар ”, -деди Кевин Ли.