Конте "Интер"га Лондон клубидан ҳужумчи олиб келмоқчи

Лондоннинг "Вест Хэм" клуби форварди Марко Арнаутович мавсумлар оралиғида АПЛни А Серияга алмаштириши мумкин. Бу ҳақда The Sun нашри хабар тарқатмоқда.

Юқоридаги манбаага кўра 30 ёшли австриялик футболчини “Интер” бош мураббийи Антонио Конте ўз жамоасида кўришни хоҳламоқда. Ушбу трансфер эса “нерадзуррилар”га тахминан 34 млн еврога тушиши мумкин.

Маълумот учун, Арнаутович ўтган мавсум жароҳатлар сабаб кўплаб учрашувларни ўтказиб юборди. У АПЛда 28та ўйинда майдонга тушди ва 10та гол ҳамда 4та голли узатмага муаллифлик қилди.