Konte "Nyuksl"ning taklifini rad etdi. "Qarg‘alar"da yana bir nomzod bor

Yaqindagina saudiyalik investorlar qo‘liga o‘tgan "Nyukasl" o‘zining amaldagi bosh murabbiyi Stiv Bryus o‘rniga munosib nomzod qidirishni boshlab yubordi.

Daily Mail nashri tarqatgan xabarga qaraganda, "qarg‘alar" bu borada “Brayton” ustozi Grem Potterni ko‘zlamoqda.

Bundan avvalroq esa, "Nyukasl" ayni damda ishsiz yurgan Antonio Kontega aloqaga chiqqani haqida xabarlar tarqalgan edi. Biroq italiyalik mutaxassis ushbu taklifga rad javobini bergan.

"Brayton" 7 turdan so‘ng APL musobaqa jadvalida 6-o‘rinda bormoqda.