Конте: "Сити"ни мағлуб этиш - фантастик натижа"

"Тоттенхэм" бош мураббийи Антонио Конте "Манчестер Сити"га қарши баҳсдан сўнг ўз фикрлари билан ўртоқлашди. Унга кўра, "шпорлар" турнир пешқадамига қарши мукаммал ўйин кўрсатди. 

"Манчестер Сити" каби жамоани ўз уйида таслим этиш - фантастик натижа. Уларга тан бермасдан илож йўқ. Бугун "шаҳарликлар" дунёнинг энг яхши клуби эканини исботлади. 

Қайд этиш лозим, биз кучли рақибга қарши мукаммал ҳаракат қилдик. Айниқса, йигитлар ҳимояда ажойиб ўйин кўрсатди. 

Бу ғалаба биз учун ўзимизга бўлган ишончни қайтариши керак. Олдинда ҳали кўп баҳслар кутиб турибди. Юқори ўринлар учун курашишда давом этамиз", - деди италиялик мутахассис.