Конте "Тоттенхэм"га қайтди

Антонио Конте "Тоттенхэм"га қайтди. Лондон клуби матбуот хизмати италиялик мутахассиснинг машғулотлардан олинган суратини эълон қилди. "Хуш келибсиз хўжайин", - деб ёзилган суратга.

Италиялик мураббийда холецистит ташхиси қўйилгач, Конте ўт пуфагини олиб ташлаш бўйича операция қилинган эди. "Шпорлар" устози лондонликларнинг 1:0 ҳисобида ғалаба қозонган "Манчестер Сити"га қарши АПЛнинг сўнгги ўйинини ўтказиб юборди.

Конте шогирдлари навбатдаги ўйинини 11 февраль куни меҳмонда "Лестер"га қарши ўтказади. Айни дамда инглиз гранди АПЛ турнир жадвалида 5-ўринни эгаллаб турибди.