Konte Tuxelga Lukakudan foydalanishni o‘rgatdi

Yozda “Inter”dan “Chelsi”ga ko‘chib o‘tgan Romelu Lukaku yangi jamoasida u qadar ko‘p gol ura olmayapti. Xususan, belgiyalik to‘purarning golsiz seriyasi to‘rtta o‘yinga etdi.

Italiya klubida Romelu Antonio Konte qo‘l ostida bir mavsumda 30 ta gol urgan edi. Italiyalik mutaxassis “Chelsi” bosh murabbiyi Tomas Tuxel hujumchidan foydalanishda qanday xato qilayotganini aytdi.

- Lukaku oddiy hujumchi emas. Uning qirralari ko‘p va ulardan foydalan olish kerak. Romelu tanasi bilan to‘pni ajoyib tarzda ushlab tura oladi, jarima maydonchasi tashqarisidan ham, ichkarisidan ham hujum qilishga qodir. London klubida esa, uni bir pozitsiyaga bog‘lab qo‘yishgan, - dedi Antonio Konte.