"Konya-2021". Islom birdamlik o‘yinlari rekordini yangilagan Zafarjonov 3 ta oltin medalni qo‘lga kiritdi

Konya mezbonlik qilayotgan Islom birdamlik o‘yinlarida yana 2 ta oltin medal qo‘lga kiritildi.

Og‘ir atletika bahslarining dast ko‘tarish mashqida Sarvar Zafarjonov 167 kg bilan Islom Birdamlik o‘yinlari rekordini o‘rnatdi va eng yaqin ta’qibchisidan 5 kg ilgarilab, oltin medalni qo‘lga kiritdi.

Siltab ko‘tarish mashqida Sarvar Zafarjonov 199 kg bilan ikkinchi oltin medali sohibiga aylandi. Ikkikurash natijasiga ko‘ra sportchimiz ishonchni oqladi. 366 kg natija bilan katta oltin medaliga ega chiqdi.