"Конья-2021". Ўзбекистонлик қиличбозлар финалда Озарбайжон билан тўқнаш келди

Конья шаҳри мезбонлик қилаётган Ислом бирдамлиги ўйинларида қиличбозларимиз ҳам ўз баҳсларини ўтказди.

Сабля бўйича Ўзбекистон аёллар терма жамоаси якунла кумуш медаль соҳибига айланишди. Жамоавий дастурда ярим финалда Туркияни 45:31 ҳисобида мағлуб этган қизларимиз финалда озарбайжонлик рақибаларига 34:45 ҳисобида имкониятни бой бериб, мусобақани иккинчи ўринда якунладилар.

Шу ўринда терма жамоамиз таркибини яна бир бор эслатиб ўтсак: Зайнаб Дайибекова, Паола Плиего, Айсулу Уснатдинова, Севинч Исмоилова.

МОҚ матбуот хизмати

Фикрлар

Фикр қолдириш учун авторизациядан ўтинг!