Koutino Ronaldu bilan o‘ynash uchun qishda “Barsa”dan ketmoqchi

“Barselona” pleymeykeri Filippe Koutino qishki transferlar vaqtida “Yuventus”ga o‘tib ketishni rejalashtirmoqda.

Turin klubi ham maydon markazini kuchaytirish va hujumkorlikni oshirish maqsadida Koutinodan foydalanishni istayapti. Kataloniyaliklar braziliyalik futbolchining transferini 70 million evroga baholamoqda.

“Yuventus” rahbariyati Koutinoni oladigan bo‘lsa, Paulo Dibalani sotib yuborishga qaror qilgan. Chunki asosiy tarkibdagi joyini yo‘qotib qo‘yayotgan argentinalik hujumchi jamoa bilan yangi shartnoma masalasida kelisha olmayapti.