Коутиньо собиқ жамоасига қайтиши мумкин

"Астон Вилла" футболчиси Филиппе Коутиньо "Интер"га ўтиши мумкин. Бу ҳақда "InterLive" нашри хабар берди.

Унаи Эмери бразилиялик вингерга кам ўйин амалиёти бераётганди. Бундан ташқари, футболчи "Арсенал"га қарши ўйинда жароҳат олиб, деярли икки ойдан бери майдонга туша олмаяпти. 

30 ёшли вингерга ўз ватанидан ҳам таклифлар бор. Аммо у ҳали Европада қолмоқчи.

Маълумот учун, Коутиньо аввал ҳам "Интер" сафида ҳаракатланган. У 2013 йилда миланликлар таркибидан "Ливерпуль"га ўтганди.