Коутиньо узоқ муддатга сафдан чиққан бўлиши мумкин

Кеча “Эйбар”га қарши ўйинда жароҳат олган "Барселона" вингери Филиппе Коутиньо узоқ муддатга сафдан чиққан бўлиши мумкин. Бу ҳақда AS нашри хабар бермоқда.

Юқоридаги манбага кўра, бразилиялик футболчининг чап тизза менискуси тўлиқ ёрилган бўлиши мумкин. Агар ушбу ташхис тасдиқланса, ярим ҳимоячи операция қилинади, сўнг унинг тикланишига 4 ой муддат талаб этилади. Лекин жароҳат нисбатан енгилроқ бўлса, у бир-икки ойни ўтказиб юборади холос.

28 ёшли Коутиньо жорий мавсум “Барселона” сафида 14 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)