Козак чемпионатда 200дан кўпроқ ўйин ўтказди ёхуд "Пахтакор" сафида энг кўп учрашувда майдонга тушганлар

"Пахтакор" тарбияланувчиси саналган Владимир Козак миллий чемпионатда 203 учрашувда иштирок этди. Бу ҳақда клуб матбуот хизмати хабар берди.

АГМКга қарши иккинчи даврада бўлиб ўтган беллашув Козак учун миллий чемпионат доирасидаги 200-ўйинга айланди. Ҳозирга келиб Владимирнинг учрашувлари сони 203тага етди. Бу ўйинларда Козак 21 гол уришга эришган. Жамоа сафида жами 274 расмий баҳсда майдонга тушган футболчи 24 тўпга муаллифлик қилган. У қанот ва марказий ҳимоя, марказий ярим ҳимояда тўп тепиб келмоқда.

Ўзбекистон чемпионатида "Пахтакор" таркибида Владимир Козак энг кўп ўйин ўтказиш борасида 4-поғонадан жой олган. Мурод Алиев (232), Станислав Андреев (213) ва Анвар Солиев (205)дан кейин айнан ушбу ўйинчи ўрин олган.

Жамоа сафида барча чемпионатларда энг кўп майдонга тушган футболчи ўзбек футболи афсоналаридан бири саналган Биродар Абдураимов бўлиб, у 302 беллашув ўтказган. Ўтган асрнинг энг яхши футболчиси деб топилган Геннадий Красницкий эса 246 баҳсда жамоа шарафини ҳимоя қилган.

Қуйида "Пахтакор" таркибида СССР ва Ўзбекистон чемпионатлари юқори лигасида энг кўп учрашувлар ўтказган футболчилар билан танишиб олинг.

Биродар Абдураимов 302

Геннадий Красницкий 246

Мурод Алиев 232

Станислав Андреев 213

Виталий Суюнов 211

Анвар Солиев 205

Владимир Козак 203

Владимир Штерн 202

Илҳом Суюнов 198

Тўлаган Исоқов 190

Виктор Варюхин 187

Собир Ходиев 187

Владимир Тожиров 187

Ҳамид Раҳматуллаев 184

Асрор Алиқулов 179

Шерзод Каримов 178

Юрий Пшеничников 177

Геннадий Денисов 177

Баҳодир Иброҳимов 174

Павел Бугало 173

Фикрлар

Фикр қолдириш учун авторизациядан ўтинг!