Криштиану Роналду ЖЧ-2026'да иштирок этиши мумкин

Криштиану Роналду Португалия терма жамоасидан кетишни режалаштирмаяпти. 

"Marca" нашри берган хабарга кўра, португалиялик футболчи термадан кетиш ниятида эмас. Унинг атрофидагилар Криштианунинг мақсади ЖЧ-2026'да қатнашиш эканлигига ишора қилмоқда. 

Қайд этилишича, Португалиянинг Қатар мундиалидаги омадсизлиги у учун кучли зарба бўлган. Ҳозир Роналду қийин даврни бошдан ўтказмоқда. Португал бу ҳолатни қабул қилишга қийналмоқда. 

Айни вақтда 37 ёшли форвард эркин агент саналади. Ноябрь ойида у "Манчестер Юнайтед" билан шартномасини бекор қилганди.