Криштиану Роналдунинг голи "Ан-Наср"га муҳим ўйинда ғалаба келтирди. Чемпионлик учун кураш давом этади!

Саудия Арабистони чемпионати 28-туридан ўрин олган "Ан-Наср" ва "Аш-Шабоб" жамоалари ўртасидаги ўйин якунланди. Мазкур тўқнашувда майдон эгалари камбэк амалга ошириб, 3:2 ҳисобида ғалаба қозонди.

Португалиялик юлдуз Криштиану Роналду жамоасининг 3-голига муаллифлик қилди. Жалолиддин Машарипов эса жароҳати сабабли ўйнамади.

Чемпионат якунига икки тур қолганда риёдликлар биринчи ўриндаги "Ал-Иттиҳод"дан 3 очко ортда қолмоқда.