Каннавародан ўрнак олиб, италиялик мураббий Қозоғистон терма жамоасини бошқармоқчи

Москванинг «Спартак» клуби собиқ бош мураббийи Массимо Каррера Қозоғистон терма жамоасини бошқариши мумкинлиги ҳақида фикр билдирди. 

— Фабио Каннаваро ҳозир Ўзбекистон терма жамоаси бош мураббийи. Агар сизга Беларусь ёки Қозоғистон терма жамоасини қабул қилиб олиш таклифи тушса, бу сиз учун қизиқ бўлармиди? 

— Мен бундай таклифни қабул қилган бўлардим, чунки миллий терма жамоани бошқариш — жуда қизиқ. Менга янги чақириқлар ёқади, бу эса мен учун муҳим синов бўлиши мумкин.

— Агар Беларусь ёки Қозоғистон клубларидан таклиф тушса-чи? 

— Бу клубларда ўзини Европада кўрсатиш имкониятлари кўпроқ. Бундай жамоалар катта мотивация бера олади.

Эслатиб ўтамиз, Массимо Карреранинг сўнгги иш жойи Италиянинг «Асколи» клуби бўлган. У ушбу жамоани 2024 йилда тарк этган.