Кучли бешлик лигаларида учта 40 ёшдан ўтган футболчи қолди

Кучли бешлик лигалари таркибига кирувчи Англия Премьер-лигаси, Лига 1, А Серия,Ю Бундеслиги ва Ла Лигада ўйнаш осон эмас.

Бироқ  Европанинг энг кучли лигаларида ҳамон фаолиятини давом эттираётган “қариялар” ҳам бор.

Статистика мутахассисларининг маълум қилишича, “Топ-5” лигаларида ёши қирқдан ўтган уч нафар футболчи бор. Улардан бири чилилик посбон Клаудио Браво Ла Лигада “Бетис” дарвозасини қўриқламоқда.

Франция чемпионатида “Ницца”да ўйнаётган ҳимоячи Данте ҳам ҳали фаолиятини тугатмоқчи эмас. А Серия вакили “Милан”нинг захира дарвозабони Антонио Миранте ҳам қўлқопини ечиш ниятида эмас.

Мутахассисларнинг таъкидлашича, Англия Премьер-лигаси ва Германия Бундеслигасида 40 ёшли футболчилар умуман қолмаган.