Кукурелья Энцо Фернандесни ҳам "Реал"да кўришни истамоқда

Яқинда "Челси"дан "Реал"га ўтган Марк Кукурелья собиқ жамоадоши Энцо Фернандес ҳақида фикр билдирди.

Испаниялик ҳимоячининг айтишича, аргентиналик ярим ҳимоячи уни трансфери билан табриклаган.

"Энцо Фернандес мени “Реал”га ўтганим билан табриклади. Унга ҳам омад тилайман ва у ҳам “Реал”га ўтади деб умид қиламан", — деди Кукурелья.

Аввалроқ мадридликлар 25 ёшли ярим ҳимоячи трансфери бўйича иш олиб бораётгани ҳақида хабарлар тарқалган эди.

Маълумотларга кўра, Энцо Фернандесни жамоа сафида кўришни бош мураббий Жозе Моуринью истамоқда. Португалиялик мутахассис яқинда фаолиятида иккинчи бор "Реал" бошқарувини қабул қилиб олган.

Бироқ аргентиналик футболчини қўлга киритиш осон бўлмайди. Энцо Фернандес "Челси"нинг асосий футболчиларидан бири ҳисобланади ва унинг трансфери катта маблағ талаб қилиши мумкин.