Кулибали Африка Миллатлар кубоги финалида Сенегалга ёрдам беролмайди

Хабарингиз бор кеча Сенегал терма жамоаси Африка Миллатлар кубоги ярим финалида Тунис терма жамоасини 1:0 ҳисобида енгди ва финалга йўлланмани қўлга киритди.

Афсуски, сенегалликлар ҳал қилувчи баҳсда ўзларининг асосий ҳимоячиси Калиду Кулибалининг хизматларига таяна олишмайди. Боиси, “Наполи” футболчиси кечаги учрашувда ҳакам томонидан сариқ карточка билан огоҳлантирилди ва дисквалификация сабаб финални ўтказиб юборадиган бўлди.

Маълумот учун, Сенегал ҳамда Жазоир терма жамоалари ўртасидаги финал ўйини 19 июль куни бўлиб ўтади.