Куман асосий таркибнинг 12 футболчисини ҳайдаяпти

“Барселона” бош мураббийи Рональд Куман асосий таркибнинг 12 нафар футболчиси хизматидан воз кечишини билдирди. Улар трансфер бозори ёпилмай туриб, Каталонияни тарк этиши шарт.

Бу орқали клуб раҳбарияти жамоага янги футболчиларни олиб келиш баробарида, маош учун кутаётган маблағларни тежашни режалаштирмоқда.

Клуб биринчи навбатда катта маош оладиган Луиса Суарес, Самюэль Умтити, Артуро Видаль ва  Мартин Брэйтуэйтдан қутилиши керак. Ҳозирча фақат Видаль компенсациясиз кетишга рози бўлди.

Шунингдек, Куман қанот ҳимоячилари Жуниор Фирпо ва Хуан Мирандага ҳам ишонч билдирмаяпти. Бундан ташқари, бир гуруҳ ёшлар - Мончу, Мусса Ваге ва Ориоль Бускетс ҳам бошқа жойдан нон топиши керак.

Кетадиган рўйхатига ҳимоячи Жан-Клер Тодибо, Нелсон Семеду ва ярим ҳимоячи Рафинья ҳам қўшилди.