Куман икки трансфердан воз кечди
“Барселона” бош мураббийи Рональд Куман иккита футболчини трансфери бўйича клуб мутасаддилари олиб бораётган ишларни тўхтатиб қўйди.
Каталонияликлар “Лилль” ярим ҳимоячиси Ренату Саншеш ва “Аталанта” ҳимоячиси Кристиан Ромерони жамоага олиб келиш бўйича ишлаётган эди.
Маълумотларга қараганда, нидерландиялик мураббий бу футболчилар “Барса” таркибини етарли даражада кучайтира олишига ишонмаган ва шу боис уларни таклиф қилиш фикридан қайтган.
Ўтган мавсумда “Лилль”нинг Франция чемпиони бўлишига катта ҳисса қўшган Ренату Саншеш жами 29 та учрашувда қатнашиб, битта гол урди ва тўртта голли пас оширди.
Ромеро эса “Аталанта” сафида жами 42 та ўйинда қатнашиб, учта гол урди ва бешта голли пас муаллифи бўлди.
Фикрлар