Куман уч юлдузни кутмоқда

“Барселона” бош мураббийи Рональд Куман ёзги трансферлар даврида уч нафар юлдуз футболчини кутаётгани маълум бўлди.

Нидерландиялик мутахассис каталонияликлар раҳбарияти “Ливерпуль” билан шартномаси тугаётган ҳамюрти Жоржжиньо Вейналдумни “Барселона”га  ўтишга кўндира олишига ишонмоқда.

Шунингдек, Куман қадрдон шогирди Мемфис Депай “Лион” билан шартномаси якунлангач, эркин агент сифатида Каталонияга келишини кутяпти. Куманга керак бўлган учинчи футболчи – Эрик Гарсия ҳам “Манчестер Сити”дан кетишга қарор қилган. Катта эҳтимол билан у ўзини тарбиялаган “Барселона”га қайтади.

Қишки трансферлар даврида Куман фақатгина “Лилль” ҳимоячиси Свен Ботманни олиш билан кифояланмоқчи.

Матнда хатолик топсангиз, ўша хатони белгилаб, бизга жўнатинг (Ctrl + Enter)