Куман “Юве”нинг сотилмайдиган ўйинчисини олмоқчи

“Барселона” раҳбарияти ҳимоя чизиғини кучайтириш мақсадида “Ювентус” вакили Маттейс де Лигтни олишни режалаштирмоқда.

Турин суперклуби асосий юлдузларидан бирини сотишни истамаяпти. Бироқ, Жоан Лапорта машҳур футбол агенти Мино Райола билан учрашиб, Эрлинг Холанд билан бирга Маттейс де Лигт трансферини ҳам муҳокама қилган.

Футболчининг ўзи ҳам “Барселона”га ўтишга қарши эмас. Чунки каталонияликлар таркибида унинг энг яқин дўсти Френки де Йонг тўп тепмоқда. Жамоа бош мураббийи Рональд Куман билан ҳам Маттейснинг муносабати аъло даражада.

“Ювентус” бу футболчи учун 75 миллион евро тўлаган эди. Демак, Куманнинг орзуси ушалиши учун “Барса” хўжайинлари яхшигина харажат қилишига тўғри келади.