Куманнинг гапи ерда қолди

“Барселона” раҳбарияти бош мураббий Рональд Куман кетиши кераклигини айтган Рики Пучни бунга кўндира олмаяпти.

Истеъдодли футболчи ижара асосида бошқа жамоага кетишни истамаяпти ва асосий таркибга кириш учун рақобатлашишга тайёр эканини таъкидламоқда. Куман эса, унга бошқа жамоага ўтиб, ўйин амалиётига эга бўлиш ва маҳоратини оширишни маслаҳат берган.

Уч йилдан буён “Барселона”да ўйнаётган Пучга айни пайтда ПСВ, “Лейпциг” ва “Порту”дан аниқ таклифлар бор.