Куманнинг хафсаласи пир бўлди

“Барселона” бош мураббийи Рональд Куман қишки трансферлар вақтида ўзи кутаётган футболчиларни қўлга кирита олмаслиги мумкинлигини эътироф этди.

Айни пайтда Куман Мемфис Депай, Жординьо Вейналдум ва Эрик Гарсияни ўз шогирдлари орасида кўрмоқчи. Уларнинг ҳозирги клуби билан шартномаси якунланаётгани боис, арзон нархга трансфер қилиш мумкин. Масалан, Депайни олиш учун 7 миллион евро кифоя.

- Яқин келажагимиз учун бу трансферлар жуда муҳим. Таркибни яхшилашимиз керак. Мен ҳамон баъзи позицияларни кучайтириш тарафдориман. Лекин клубнинг аҳволини ҳам тушунаман. Бу гал ҳеч кимни харид қила олмасак, кейинги трансферлар мавсумини кутишимизга тўғри келади, - деди Куман.

Маълумотларга қараганда, “Барселона”нинг молиявий аҳволи ўнгланмаган ва клуб янги ўйинчилар учун етарли даражада маблағ ажрата олмайди.