Кунья: "Кэррик мухлислар" нима хоҳлашини тушунади"

"Манчестер Юнайтед" ҳужумчиси Матеус Кунья Англия Премьер-лигаси 23-туридан ўрин олган "Арсенал"га (3:2) қарши ўйинда бош мураббийи Майкл Кэррик жамоада қандай ўзгартириш киритганини айтди.

"У "Манчестер Юнайтед"да ўйнаш қандай бўлишини билади. У бу ерда шунча йил ўйнаган. Унинг Манчестерга, МЮга бўлган муносабати бор. Кэррик мухлислар нимани хоҳлашини тушунади. У доимо бизга бу ҳақда эслатиб туришга ҳаракат қилади, у бизни бутун вазиятни тушуниш ва "Ҳамма бизга қарши" дейиш кераклигига ишонтирди. Шунинг учун, менимча, биз ўзимизни янада жипсроқ ҳис қила бошладик", - дея Куньянинг сўзларини келтиради BBC.

Айни пайтда "Манчестер Юнайтед" 38 очко билан АПЛ турнир жадвалида тўртинчи ўринда бормоқда.